Unity 2D Game Development kursu

JET School-un Unity 2D Game Development kursu 13–17 yaş arası yeniyetmələr üçün nəzərdə tutulmuş, praktiki və layihə əsaslı təhsil proqramıdır. Kurs 8 ay davam edir və həftədə 2 dərs formatında keçirilir (2 əyani + 1 online, hər biri 2 saat). Tədris əsasən offline təşkil olunur, zəruri hallarda online qoşulma imkanı təqdim edilir.

Proqram üç əsas modulu əhatə edir:

Alqoritmlər və Məntiqi Düşüncə

Tələbələr proqramlaşdırmanın fundamentini təşkil edən alqoritmik düşünmə bacarığını inkişaf etdirir, problemləri analiz etməyi və addım-addım həll etməyi öyrənirlər. Flowchart-lar vasitəsilə düzgün planlama qurma və effektiv həll yolları hazırlama bacarıqları formalaşdırılır.

C# Proqramlaşdırma Əsasları

Bu modulda tələbələr dəyişənlər, şərt operatorları, dövrlər, funksiyalar və obyekt yönümlü proqramlaşdırmanın əsas anlayışlarını mənimsəyirlər. Nəticədə onlar Unity mühitində oyun mexanikalarını idarə edə biləcək səviyyədə script yazma bacarığı əldə edirlər.

Unity ilə 2D Oyunların Hazırlanması

Tələbələr Unity interfeysi ilə tanış olur, 2D fizika sistemi, animasiya, UI elementləri, gameplay mexanikaları və level design kimi vacib anlayışları real layihələr üzərində öyrənirlər. Kurs boyunca bir neçə oyun hazırlayan tələbələr proqramın sonunda portfoliolarına əlavə edə biləcəkləri tam işlək final oyun layihəsi təqdim edirlər.

Tədris prosesi tam praktiki şəkildə qurulub — tələbələr mentor dəstəyi ilə real oyun layihələri üzərində işləyir, texniki biliklərini tətbiq edir və yaradıcı yanaşmalarını inkişaf etdirirlər.

Bu kurs yalnız oyun hazırlamağı öyrətmir — eyni zamanda tələbələrdə alqoritmik düşüncə, problem həll etmə, kreativlik, komanda ilə işləmə və layihə idarəetmə bacarıqları formalaşdıraraq onları gələcəyin texnologiya sahələrinə hazırlayır və oyun inkişafı istiqamətində karyera üçün güclü təməl yaradır.