Süni İntellekt Mühəndisliyi kursu

Yaş: 13-17

Səviyyə: Qabaqcıl

Müddət: 8 ay

Süni intellekt (AI) - artıq uşaqların gündəlik həyatının bir hissəsidir. Bəs övladınız bu texnologiyadan sadəcə istifadə etsin, yoxsa onun necə işlədiyini də öyrənsin?

Süni İntellekt Mühəndisliyi kursumuz şagirdlərə süni intellektdən sadəcə istifadə etməyi deyil, onun necə işlədiyini anlamağı, proqramlaşdırma ilə həllər qurmağı və öz süni intellekt layihələrini hazırlamağı öyrədir. Kurs boyunca uşaqlar Python proqramlaşdırma, məlumatların analizi, maşın öyrənməsi, təbii dilin emalı, kompüter görməsi, böyük dil modelləri, səsli və çoxmodallı süni intellekt kimi müasir texnologiyalarla mərhələli şəkildə tanış olurlar.

Əsas üstünlüyümüz ondadır ki, şagird yalnız nəzəri məlumat öyrənmir. O, real məlumatlarla işləyir, modellər qurur, mətn, şəkil və səs əsaslı layihələr hazırlayır, problemlərə fərqli həll yolları tapmağı öyrənir və sonda öz layihəsini təqdim edir. Beləliklə, övladınız həm süni intellekt (AI) həllərinin hazırlanması, həm də proqramlaşdırma sahəsində möhkəm bilik və bacarıqlar qazanır. Bundan əlavə olaraq övladınız gələcəkdə texnologiya istiqamətində hansı sahəyə daha çox marağı olduğunu daha erkən müəyyən edəcək.

Aşağıdakı tədris proqramı ilə tanış olaraq övladınızın Süni İntellekt (AI) Mühəndisliyi kursumuzda hansı bilik və bacarıqları mərhələli şəkildə qazanacağını görə bilərsiniz:

Təlimin modulları

Süni intellektin əsas anlayışları, gündəlik həyatda istifadə sahələri və məsuliyyətli AI yanaşması
Python proqramlaşdırma dilində dəyişənlər, məlumat tipləri, şərtlər, dövrlər və funksiyalar
Alqoritmik düşüncə və sadə proqramlaşdırma tapşırıqlarının həlli
Git və GitHub ilə kodların saxlanılması, dəyişikliklərin izlənilməsi və layihələrin paylaşılması
Python ilə kiçik layihələr hazırlamaq

Datasetlərin quruluşu, məlumatların oxunması və təşkili
Məlumatların təmizlənməsi, çatışmayan və yanlış dəyərlərin emalı
Cədvəl şəklində verilən məlumatların analizi
Qrafik və diaqramlarla məlumatların vizuallaşdırılması
Real məlumat topluları üzərində praktiki analizlərin aparılması

Maşın öyrənməsinin əsas prinsipləri və kompüterlərin məlumatlardan öyrənmə prosesi
Təlim və test məlumatlarının istifadəsi
Modelin nəticələrinin qiymətləndirilməsi və proqnozların yoxlanılması
PyTorch-a giriş və sadə neyron şəbəkələrinin qurulması
Məlumatın hazırlanmasından modelin istifadəsinə qədər AI layihəsinin əsas mərhələləri

Böyük dil modellərinin əsas anlayışları və iş prinsipi
ChatGPT, Claude və Grok kimi müasir AI köməkçilərinin imkanları və məhdudiyyətləri
Effektiv və dəqiq sorğuların hazırlanması
Hazır böyük dil modellərinin proqramlara qoşulmasına giriş
Müxtəlif tapşırıqları yerinə yetirən mini AI köməkçilərinin hazırlanması

Kompüterlərin insan dilini və mətn məlumatlarını emal etməsinin əsasları
Mətnlərin təmizlənməsi və analiz üçün hazırlanması
Mətnlərdə müsbət, mənfi və neytral fikirlərin müəyyən edilməsi
Sadə çatbotların iş prinsipi və hazırlanması
Mətn əsaslı süni intellekt tətbiqlərinin yaradılması

Rəqəmsal şəkillərin kompüter tərəfindən necə qəbul və analiz edilməsi
Şəkillərin müxtəlif kateqoriyalara ayrılması
Şəkil və videolarda obyektlərin aşkarlanması
Üz aşkarlama texnologiyalarının əsasları
Real vizual məlumatlar əsasında sadə kompüter görməsi layihələrinin hazırlanması