Oktyabr – Kibertəhlükəsizlik üzrə Maarifləndirmə Ayı

Oktyabr ayı bütün dünyada Kibertəhlükəsizlik üzrə Maarifləndirmə Ayı kimi qeyd olunur. Bu ayın məqsədi hər kəsin – xüsusən də məktəblilərin – internetdə daha təhlükəsiz davranış vərdişləri qazanmasına kömək etməkdir.

Niyə kibertəhlükəsizlik vacibdir?

Məlumatların qorunması – Şəxsi məlumatlarımız (şəkillər, şifrələr, fayllar) dəyərlidir və onları kənar şəxslərdən qorumaq vacibdir.
Kibertəhdidlərə qarşı hazırlıq – Phishing mesajları, saxta oyun linkləri və ya viruslu proqramlarla tez-tez qarşılaşmaq mümkündür.
Rəqəmsal mədəniyyət – Doğru davranış qaydaları ilə uşaqlar internetdə həm özlərini, həm də başqalarını qoruyurlar.

Uşaqlar üçün sadə, amma güclü qaydalar:

Şifrənizi güclü edin – yaradarkən böyük və kiçik hərflərdən, rəqəmlərdən və xüsusi simvollardan istifadə edin.
Şifrələrini paylaşma – Dostunla belə şifrəni bölüşmə.
Şübhəli linklərə klik etmə – Xüsusilə oyun və ya “hədiyyə qazandın” tipli linklərdən uzaq ol.
Sosial şəbəkədə şəxsi məlumat paylaşma – Ünvan, telefon nömrəsi və ya məktəb adı gizli qalmalıdır.
Daim soruş – Əgər hər hansı mesaj və ya linkdən şübhələnirsənsə, müəlliminə və ya valideyninə müraciət et.