Robotlar artıq yalnız fantastik filmlərinin qəhrəmanları deyil – onlar gündəlik həyatımızın bir hissəsinə çevriliblər. Ağıllı ev cihazları, süni intellekt sistemləri, tibbi robotlar və hətta məktəblərdə istifadə olunan tədris robotları da mövcuddur. Bəs övladlarımız bu yeni dövrə necə hazırlaşmalıdır?

Cavab sadədir: onlara yalnız texnologiyadan istifadə etməyi deyil, onu yaratmağı öyrətməliyik. Robotexnika uşaqların məhz bu istiqamətdə inkişafı üçün ən güclü vasitələrdən biridir.

Bu bloqda siz görəcəksiniz ki, uşaqlar sadə bloklardan başlayaraq “ağıllı cihazlar”a qədər necə addım-addım inkişaf edir, problemləri yaradıcı şəkildə həll etməyi öyrənir və gələcəyin mühəndislərinə çevrilirlər.

1. İlk addım: Blok əsaslı proqramlaşdırma

Robot texnologiyasına maraq oyatmaq üçün uşaqlar əvvəlcə Scratch və oxşar vizual platformalar vasitəsilə kodlaşdırma öyrənirlər. Burada kod sətirləri əvəzinə rəngli bloklardan istifadə olunur. Bu üsul uşaqlara həm əyləncəli, həm də asan şəkildə alqoritmik düşünməyi öyrədir.

2. Elektron komponentlərlə tanışlıq

Uşaqlar LED-lər, sensorlar, motorlar və digər sadə elektron elementlər vasitəsilə texnologiyanın necə işlədiyini öyrənirlər. Onlar real əşyaları proqramlaşdıraraq “həyata gətirirlər”. Məsələn, sadə bir düymə ilə işıq yandırmaq və ya səs sensoru ilə motor hərəkətə gətirmək uşaqlar üçün böyük motivasiya yaradır.

3. Robotların yığılması və proqramlaşdırılması

Növbəti mərhələdə LEGO və VEX IQ kimi robot dəstləri ilə uşaqlar öz robotlarını yığmağa başlayırlar. Burada həm mexaniki bacarıqlar, həm də kodlaşdırma bilikləri işə düşür. Uşaqlar təkcə hissələri birləşdirmir, həm də robotun hərəkətini, istiqamətini və davranışını kodla idarə edirlər.

4. Real layihələr və komanda işi

JET School-da uşaqlar yalnız nəzəriyyə ilə kifayətlənmirlər. Onlar yarışlarda iştirak edir, layihələr hazırlayır və komanda şəklində problemləri həll edirlər. Bu mərhələ onların həm yaradıcılığını, həm də ünsiyyət və əməkdaşlıq bacarıqlarını inkişaf etdirir.

5. Gələcəyə açılan qapı

Robot texnologiyasını öyrənən uşaqlar sadəcə proqramlaşdırma bacarığı qazanmır, həm də məntiqi düşünmə, problem həll etmə və innovativ yanaşma kimi vacib keyfiyyətlərə sahib olurlar. Bu isə gələcəkdə mühəndislikdən tutmuş elm və texnologiyanın müxtəlif sahələrinə qədər geniş imkanlar yaradır.

JET School-da Robotexnika

JET School-un Robotexnika kursunda 8-14 yaş arası övladınız Micro:bit, Arduino, VEX IQ və LEGO Mindstorms kimi qabaqcıl tədris platformaları ilə işləməyi öyrənəcək. Bu kurs çərçivəsində uşaqlar: 

1. Texnoloji savadlılıq qazanacaq – sensorlar, motorlar və mikrokontrolerlərlə tanış olacaqlar.
2. Əl bacarıqları və məntiqi düşünmə inkişaf edəcək – real layihələr üzərində işləyərək qurub-sökəcək, test edəcək.
3. Problem həl etmə və analitik düşüncə bacarıqları formalaşacaq. 
4. Komanda işi və liderlik vərdişləri qazanacaq – layihələrdə birlikdə işləyərək ünsiyyət və əməkdaşlıq bacarıqlarını inkişaf etdirəcəklər. 
5. Öz robotlarını proqramlaşdırmağı və idarə etməyi öyrənəcəklər. 

Nəticə olaraq, kursun sonunda övladınız öz robotunu proqramlaşdırıb quracaq və həm yaradıcı, həm də texniki biliklərlə zəngin bir şəkildə inkişaf edəcək.