UI/UX Dizayn Kursu 11–16 yaş arası yeniyetmələr üçün nəzərdə tutulmuş, 6 aylıq və həftədə 3 dərs (hər biri 2 saat, 2 Əyani + 1 Onlayn) formatında keçirilən praktiki və yaradıcılıq yönümlü təhsil proqramıdır.

Proqram altı əsas modulu əhatə edir:

1. UI/UX və Figma Əsasları – Figma interfeysi, frame-lər, rəng, tipoqrafiya və vizual hierarxiya. Tələbələr mobil home və kilid ekranları dizayn edirlər.
2. Responsiv Dizayn və Stil Sistemi – Mobil, tablet və desktop versiyalar, grid və stil sistemləri, Figma pluginləri. Çox səhifəli responsiv vebsayt dizayn olunur.
3. Komponentlər və Dizayn Sistemləri – Komponentlər, dəyişənlər, effektlər və Material dizayn sistemi. Tələbələr öz dizayn sistemlərini və komponent kitabxanasını yaradırlar.
4. İstifadəçi Tədqiqatı və UX Əsasları – Dizayn düşüncəsi, istifadəçi tədqiqatı, persona və empatiya xəritələri, əlçatanlıq prinsipləri. Study Planner tətbiqi üçün araşdırma aparılır.
5. Mobil Tətbiq Dizaynı və Wireframing – İstifadəçi flowları, wireframe və low-fidelity dizayn. Tələbələr real layihələr üzərində işləyirlər.
6. Prototipləmə və Portfolionun Hazırlanması – İnteraktiv prototiplər, mikro-interaksiyalar, komanda əməkdaşlığı və Behance portfolio. Final layihəsi ilə tam funksional dizayn hazırlanır.

Tədris prosesi tam praktiki şəkildə qurulub — tələbələr real layihələr üzərində işləyir, müxtəlif tətbiq və saytların dizayn prosesini addım-addım öyrənir, Figma-nın yeni süni intellekt texnologiyası olan Make AI alətindən istifadə edərək həm UI, həm də UX bacarıqlarını inkişaf etdirirlər. Bu alət sadə mətn sorğuları ilə statik dizaynları interaktiv prototiplərə və funksional koda çevirir, dizayn prosesini sürətləndirir. Beləliklə, tələbələr innovativ AI texnologiyalarından istifadə edərək layihələri daha səmərəli və müasir şəkildə həyata keçirirlər.

Kurs, tələbələrə yalnız dizayn alətlərini öyrətmir — həmçinin yaradıcılıq, analitik düşüncə, vizual kommunikasiya və problem həll etmə bacarıqları qazandıraraq gələcəkdə UI/UX sahəsində peşəkar karyera üçün güclü təməl yaradır.